KLM Passport 分享飛行回憶

KLM Passport 分享飛行回憶

手機早已經取代Snapshot型相機,成為大家隨手影相嘅電子用品,特別係去完旅行,影一大批相就可以即刻send email俾朋友,或者放到Facebook分享,點都比起用SD Card左傳右傳咁唔方便,荷蘭皇室航空公司(KLM)就更加行前一步,睇準大家有大多旅行相唔知揀邊張分享好,於是推出一個名為【KLM Passport】免費手機App,等你可以將旅行拍低嘅手機相放入呢個電子Passport,仲可以揀選唔同主題,再轉export成一段由相片砌成短片,放到Facebook同朋友分享。 連結 左: 介面就好似一本Passport,方便用家將每次旅行相放入App相簿內。 右: 分享旅行短片,你可能需要購買具備剪接功能嘅影片製作軟件,航空公司就睇準旅客呢個需要,推出一個自動製作旅行短片嘅手機App,也自然利用到Facebook分享嘅宣傳作用。   (同文見於 jiujik 06-01-2012)