唔經唔覺返來有一個月喇，呢篇算叫同個旅行埋單，收歸記憶封存。

講起去旅行返嚟仲有心機寫旅記都要數到五六年前，之後每次旅行都只係事前做足準備工夫，回程無論喺飛機計劃點將整個旅程記錄落嚟，最後都總係不了了之，當然好大原因係諗法太多，由一手一腳自己用AS程式砌本flashzine到宜家import一個PDF就可以自動生成一本可以flip的flashzine。唔知幾多次旅行儲埋一袋二袋菲林／相／明信片／唔同地方攞埋攞埋嘅freepaper+單張，早陣子搬屋要用一個紅白藍處理。

snapshot其中一個意義就係咁簡單，隨時記低每一個時刻，由EXIF事後重新勾勒整個旅程嘅timeline。

華欣大馬路途中，發現一個私人花園，開滿刺眼鮮花。

曼谷siam discovery center見到Issey Miyake 一手企劃Pleats Please嘅門市，好貴，買唔起，但係想話呢個label啲用料好特別，真係唔買都要入去睇吓。

明碼實價，50batt一隻，但係想話去咗幾日華欣，無買過生果，只係喺早餐食過。

主要嘅大街都走過，之後就真係亂走，巷仔又行，日光日白紅燈區又行，睇吓周圍閒人家常。

周圍都有泰王相。spa有，街市檔仔有，seven都有。

夜市其實只係一條廟街，立立雜雜，趁墟都可以，但係同台北夜市嗰種熱鬧同多古靈精怪嘢係兩件事。

一路都覺得泰國人對甜嘢食嘅標準好古怪，可能新鮮果汁太甜，人工紙包果汁就甜到假，唔似畀人飲，夜市最旺其中一檔係地道街邊雪糕，本來無諗住試，但係咁多人都堆住幫襯，無理由唔試。

結果係，好好好！！一set三球25 batt，真係抵食大驚喜，起碼好食過澳門土產禮記。

最後一夜。
每晚都係坐篤篤返酒店。

今次有三部相機（唔計一部即棄MUJI），下次唔會再帶Holga。

回程的士見到車上地圖書放咗一張mind healing map，古怪。
司機係一位太太，佢話無帶過好似我們呢啲年青人由華欣到曼谷機場，特別帶咗啲啱我哋聽嘅CD。沒錯，當然係盜版啦，係Jack Johnson, 仲問我哋啱唔啱，唔啱佢可以轉，但係唔知點解播吓播吓，變咗好似啲New Age嘅淨音樂，再跟住係Rod Stewart，再跟住係Air Supply，三粒鐘，我覺得自己老咗好多。

P.S.
睇住啲相，真係可以諗番好多旅行回憶，當然，有啲畫面，就算無相喺手，都會咁記得。

(泰國旅記2009之六）

泰國旅記連載
旅記1 - 曼谷．真夏
旅記2 - 凱旋廣場．旅行歌單
旅記3 - 09 S/S resort style
旅記4 - 帶一本旅行書去華欣
旅記5 - 海邊的日子

更多相片
曼谷華欣052009 flickr相集

詳讀全文

如果閣下鍾意去陽光與海灘嘅地方度假，華欣頂多可以滿足你邊度都有陽光嘅要求(基本上好似所有度假勝地一樣，唔洗睇天氣預測，因為通常話落雨都只係誤報，又或者只係過雲雨)，至於海灘，望吓都可以嘅。

有眼見啦，水母啊，成個海都係水母，唔好話游水，附近都唔似蘇梅或者布吉有水上活動。認真想玩嘅話，都係join boat trip啦!

碼頭港口在市中心大路的東邊，火車站則在大路的西邊，不過其實半天都可以行完兩個地方。

沙灘都有好多曬太陽嘅水母，呢隻算細喇。

沿住海灘行到盡頭走上筷子山，有好多貓嘅小寺廟。

你無睇錯，山上面有間porn thai massage，但係成個場都係open area，唔明係佢地英文出事，定係有暗黑架步？不過睇檔主面口，真係唔似風月場所喎！

我哋問准走上去木架的台上拍照，其實如果要玩原始去流浪的話，租間海邊或者山上的guest house，嘆嘆海風massage也實在不錯呢。

碼頭港入夜先開始熱鬧，沿海都係海鮮餐館嘅燈火。點客海鮮，飲杯冰可樂，啤酒都好，一樂也。

(泰國旅記2009之五）

泰國旅記連載
旅記1 - 曼谷．真夏
旅記2 - 凱旋廣場．旅行歌單
旅記3 - 09 S/S resort style
旅記4 - 帶一本旅行書去華欣

詳讀全文

一個海港只得一個海港城嘅話，都幾灰。
離開resort走入市中心，就連一個城嘅感覺得無，除咗食同按摩，真係咪指望出面有乜好行，華欣唔似蘇梅島有 moon party，店舖都唔多，好唔容易去到唯一一個大商場都係得家樂福類超市同連鎖咖啡店，要行市中心，三個鐘都好足夠。

講係咁講，我都係重覆係市中心浮咗三日。原本打算找local tour agent join團去桂河橋（都係因為老西片先成為外國流浪人問津嘅地方），點知華欣要去桂河橋一個單程都坐三個鐘火車，跟tour的話要六點鐘出發晏晝五點返。退而求其次，join比較熱門嘅National park，聽講都要坐獨木舟去嘅，時間係九點出發三點返。

一切聽落都唔錯…好可惜，無人開檔，去唔成。

「下次啦，反正住resort短短幾日，應該好好享受下先係。」

「如果有下次的話。」

結果幾日喺市中心，最巴閉係去咗旅行書介紹所謂「最美麗的火車站」(都恨無計劃，如果唔係都唔會臨急問朋友借旅遊書)

到市中心第一件事是找tourist center，就係佢哋話畀我哋知桂河橋有幾遠。
其實本來我哋都有個機會join local tour，就係因為佢地介紹咗一間agent畀我哋，只係我哋唔甘心，點解會介紹間全市最貴嘅，或者我哋真係太知慳識儉，就係唔鍾意蝕底，結果行咗兩日都只係見到門外嘅價目表。

真係唔可以亂跟一本旅行書，特別係寫得差嘅旅行書，地圖都唔清唔楚，只係揾火車站，一望無際只係見到路軌!!

路過有好多華欣人，問路都係無從入手。「我哋只係識泰文㗎！」

大汗疊細汗先行完路軌有市集，似乎近喇，仲見到髮型屋。

最美麗的華欣火車站啊，見到呢啲求鬼其又「老實到唔識包裝」嘅介紹，真係令我諗番「一個海港得一個海港城」其實唔係咁差。

所以話，買旅行書都係買本用字生鬼嘅好，未出發先興奮﹣其實幾重要㗎！！

(泰國旅記2009之四）

泰國旅記連載
旅記1 – 曼谷．真夏
旅記2 – 凱旋廣場．旅行歌單
旅記3 – 09 S/S resort style

詳讀全文

不到半年又再去澳門，呢次係因為突然得到船票於是過大海，決定跳過上次去嘅賭場、葡撻、賭場同埋葡撻。
飲飲食食唔少得，不過跟同行一樣唔好葡國菜同自助餐，於是我做嚮導尋地道好味。

一想到地道美食就諗到三盞燈嘅南亞小吃店，三盞燈其實唔難揾，不過坐巴士嘅話就要揾高士德站，因為三盞燈其實即係五支旗桿，到坐車時候都要揾經碼頭嘅車同樣道理。到咗三盞燈，條條街都有嘢食，緬甸菜、馬來亞菜、越南菜、咖啡店快餐店都有，不過既然要特登去當然有目標啦…
今次一心諗住番尋味嘅係小熊貓的椰汁喇沙，當年食完仲要拎外賣紙夜晚喺酒店買外帶(店方面都相當貼心，真係夜媽媽送幾兜喇沙到酒店樓下)，或者就係對佢哋呢種好客之道有啲情意結（當然都因為太好食），於是今次真係帶住個肚去食。
點知，有啲嘢無咗就真係無咗，位於三盞燈附近間本店摺咗，心諗，唔通啲好嘢食真係畀賭場同自助餐搶哂生意做唔住？

詳讀全文

今季男裝大吹Amercian style, Navy/college服之外, 仲提到resort style, 其實換個角度係無時無刻掛住度假旅行, 唔單止個心掛咁簡單, 仲要著上身。不過又諗真，好似花衫短衭頂多都係精神治療(即係罐裝紅牛), 越飲發覺越想飲, 越著越想真係想resort hea吓。

所以著埋咁多Resort 服倒不如真係去下有陽光海灘嘅地方啦！

每天坐沙發望住個大海聽住浪聲食早餐，呢啲先叫「在晴朗的一天出發」嘛!

二十座樓房分上下層一共40房間，中間是「運河式泳池」，下層房間有落地玻璃推開就是可以直接下水的小露台。

上層房間則有旋轉樓梯直往私人天台看日出日落，或者夜晚曬月光。

浴室設計充分利用自然光。

(泰國旅記2009之三）
泰國旅記連載
旅記1 - 曼谷．真夏
旅記2 - 凱旋廣場．旅行歌單

相關連結
Let’s sea resort
http://www.letussea.com/
flickr相集
http://www.flickr.com/photos/raychan/sets/72157618530236426/

詳讀全文

由曼谷到華欣，可以選擇在香港包私家車，知窿路都可以坐當地陸路交通過境，包架的士 ~1700 batts (400多港幣，最多都可以坐到三個人嘅)，坐火車(百幾batts，但係兜路會耐咗，又多人逼，有個錢去旅行就無謂受難)，仲可以選擇坐穿梭兩地民用Van仔，成架車計埋司機位坐到10個人，200 batts 等齊人開車嗰種，有遊客亦有往返兩地泰人，如果多行李就未必夠位畀你上。

如果唔係留一晚喺曼谷市中心，最好當然係預先泰國機場租車直到華欣，無謂左駁右駁，因為曼谷到華欣之間都有近三個鐘車程，唔慣長途車的話，應該會後悔慳埋啲咁嘅錢仲乜。

無錯，我係講我啊。

在較大的地圖上查看Bangkok-huahin 2009

坐Van到華欣方法，市中心坐BTS到Victory Monument，在Victory Plaza地下門外7-11便商附近就有小小空地泊咗唔同長途Van仔路線，用半咸半淡泰式英文叫「華軒」，阿叔就會畫著車票指示你去邊架車，成件事就係咁簡單。

離開曼谷，向resort出發，看途上的日光，終於…似番去陽光世界度假。
有ipod touch聽住歌，三粒鐘可以好快就咁過。

詳讀全文

過去兩個月，身邊朋友唔係去墾丁就去泰國，逃離古怪天氣香港，預支一個又一個真夏假期。

四月中，餓足半年無離開香港終於有望去個海天一色resort trip，點知好嘅唔靈醜嘅靈，黃衫軍搞民運，遲遲未知起飛當日解禁未，事前一個禮拜倒數「去得」「唔去得」「去得」「唔去得」，聽講，時裝界詞人wyman去唔到曼谷轉plan北上東京，我無銀両睇水尾櫻花，原定行程一改改到五月天出發。

本來resort trip就無乜需要計劃行程可言，hea先係重點嘛，不過因為改期關係，四日三夜華欣之行，追加多晚曼谷，令原本攤凍咗嘅行程帶嚟少少期待。

去曼谷，除左食好啲，住好啲，massage，行mall之外其實無乜好做，特別係每次去曼谷總係唔生性落雨，空氣又唔見特別好，應該要有心理準備: 享受陽光只係bonus。於是決定趁隨後四日到天堂快活，慳埋曼谷果筆，住間交通方便酒店就好。

短短二十幾個鐘，喺曼谷遊花園，都去咗幾多地方，係欠咗一餐好食嘅泰國菜。（都係因為揼骨勁舒服，揼完勁眼瞓，盲中中去酒吧區食飯，成件事，簡單嚟講，錯哂!）

(旅記聽日繼續啦，好多日無寫blog，今次真係番嚟喇！）

詳讀全文

這裏好像跟我兩年前來無太大分別，短短五天四夜，算是本月最昂貴的充電節目了，帶了相機拍點風景回來跟大家分享吧!

每次來泰國，總是天陰，幸好咋天的雨雲走了，期待下午到華欣會見到太陽啦！

@曼谷TCDC kiosk cafe

詳讀全文

這張照片是那間小店拍來的，回來沖了相片出來才被嚇了一跳。
(離遠望上去，或許你會看得出它的恐怖吧)

星期一上日文課，我們談日本旅行時發生的失敗事件，大家都一時想不起來，回家後，我順手翻翻去年京都大阪旅行拍下的照片，看來也真的沒什麽出洋相的失敗事件，勉強說就要數到我們第一天到京都坐巴士失了預算，因為地圖的比例距離比想像中大，預約好京都御所的導覽團，後來都遲到了。於是我們只好臨場改約下午再訪，多了閒晃的時間，我們到了一家拉麵店吃拉麵(那裡的温泉旦真的好吃不得了)。

p.s. 就連掛在牆上的相片也特別怪。

詳讀全文

新年流流，到了澳門一天遊，跟以前到澳門的經驗很不同，今次可說是賭場一日遊，雖然對賭博一點興趣也沒有，行行賭場的周邊都足夠花光一整天。

澳門wynn賭場的四季樹，用燈光映照同一棵樹，轉動出四季的輪迴。

同場加映: 巨龍
(跟四季樹梅花間竹半小時巡迴(把兩組大型裝置半小時轉換一次，那個後台的設備應該相當先進)

半年後再試用LX3拍它標榜的「高清」影畫，現在才明白所謂高清其實是youtube standard的HD，效果都不錯呢。(它只是一部相機呢)

詳讀全文