近日Facebook陸續將Timeline個人版面應用到香港用戶，原來的半私隱塗鴉牆變成按年月編好的日記，很多人關注到過往收藏起來的舊訊息都被完整「公開」，大喊私隱蕩然無存，同時也有人認為，只要做足私隱設定，變成日誌式介面的Facebook其實更平易近人，作為社交工具，Timeline版面內容已經變成充分反映個人生活的口味報告。這時候，Facebook的下一步，或許更受大家關注。

 說的正是最近Facebook正式開放Open Graph實時訊息更新，這項消息更協同60多個網站/ 手機程式/ 服務同時發布，這意味著Facebook將更快更有效地「打撈」網民的一舉一動，只要訪客登入與Facebook連接的網站並參與活動，不管是到購物網淘寶、拍賣網落bid、音樂網站上聽歌、電影網站上看過一部電影預告，信息都有可能自動發布到Facebook，就如同2010年Facebook推出Like 掣，只要你已經登入Facebook並允許你的活動發布到Facebook，你的動作都會自動被記錄。

 過去的Like掣只不過是Open Graph的實驗品，Open Graph其實是將「誰Like了什麼」的訊息話語無限開放，今後，我們在Facebook牆上，就會出現更多「誰聽了什麼」「誰買了什麼」「誰看到什麼」，隨著使用手機上網的趨勢，網路實時性更是大勢所趨，在Open Graph程式工具指引也有所提示，「誰正在聽什麼」「誰正在買什麼」「誰正在看什麼」都成為自動輸出的訊息選項，而且，Open Graph不但可以跟網站服務連結，更可延伸到手機程式的應用(當然，手機程式跟網站的界線已經不存在，特別是很多網上服務都與雲端連繫，網站/ App都只是網上服務的不同介面)，可見Open Graph將可能促進更多即時互動的服務/ 業務，昔日要預早動員的即時競投活動、網上音樂會/首映/座談，將可能更有效地實現。

當一切分享自動化，很多朋友可能會比較關心私隱的問題，其實登入利用Open Graph的網站並不會立即「出賣」你的行蹤，網站都要先取得你一次性同意將站內活動訊息分享，才會將你的行動發布。

關於Open Graph更多：
https://www.facebook.com/about/timeline/apps

今後我們不只會見到大家在Like什麼，還看到他跟她在聽什麼，看什麼…一切動作都由網站自由制訂，為免製造劣質訊息，網站需提交到Facebook批核。

經已有60多個網站服務採用Open Graph方式連結Facebook，訪客的活動資訊將自動發布於個人頁面、news feed及ticker實時訊息(被評為最多秘密的Facebook右上角「爆料區)內。

(同文見於jiujik 03-02-2012) 

延伸閱讀:

1. 藝術家生活
2. 打卡成風? Facebook Places港台兩地啟動
3. Facebook Timeline生命樹著陸

寫開Blog, Xanga,Tumblr的blogger有時都需要找些照片配合文字發文，喜歡攝影的blogger可能會特別為blog文內容拍照，沒規矩的可能就直接google一下，打個Keyword就直接找圖轉貼，這一方面不易找到高品質的照片，另一方面轉載圖片亦存在版權問題，當然，普通一個blogger也沒需要像製作商業網站一樣買相，試試一個比較專業的方法，在Flickr站上其實也有不少用家以Creative Common方式讓他們的照片共享，除了利用Flickr的照片搜尋器篩選相片作私人用途(甚至商業用途)之外，Photopin網站就更方便blogger用Keyword尋找合適的Flickr照片，大部份照片只要註明出處就可以。

連結：http://photopin.com/

 (同文見於jiujik 27-01-2012) 

延伸閱讀:

1. Blogger Dynamic Views 反客為主的讀誌介面
2. Groupshot: 合照Take 3補完
3. 手機攝影迷注意　Flickr 登陸 Android

當年今日博文:

1. 2011:  世界首創　職人CV即時評測？(0)
2. 2009:  2008電影流水帳(1)

自從Facebook逐步將個人頁面轉換成Timeline設計之後，就出現很多充滿創意的「封面設計」，特別是配合Cover Photo跟Profile Pic的趣味碰撞就夠五花八門，不熟悉Photoshop之類的執相工具的話，又有什麽方法為你的Facebook封面改頭換面呢？

 Facebook Cover Designer就自動你簡單輕鬆地用一張照片剪裁成Facebook Timeline介面的Cover+Profile照片，Pro版更加附有Filter效果，只要拍照時留意構圖就可以製作出特別的封面效果!

下載網址

http://itunes.apple.com/us/app/facebook-cover-designer/id482872625?mt=8

(同文見於jiujik 27-01-2012)

延伸閱讀:

1. Facebook Timeline生命樹著陸
2. 設計參考: Web fonts網路字型統計
3. Facebook Timeline 變臉時刻

當年今日博文:

1. 2011:  Google Art Project: 用Street View鑑賞High res世界名畫(0)
2. 2010:  另類生活法(0)

成班人一齊影相，影幾次都有人投訴拍得自己不在狀態／唔夠靚，呢個iPhone影相App大派用場喇，只要啟動App內置的相機function，在同一個視點拍三張相，揀出你覺得比較好的一張，然後在螢幕上劃出相中需要修改的範圍，然後它就可以自動換入另一張背景脗合的相片內容。要是新年拍張大合照有人眨眼、擰轉頭，Groupshot就大派用場啦！

另一個巧妙的用法，同一場景同一個人在不同位置拍，製作孖人相。

連結: (iPhone專用，美金0.99)
http://www.groupshot.com/

 (同文見於jiujik 27-01-2012)

延伸閱讀:

1. Path: 比Facebook更私密的私交網路
2. Facebook Cover Designer: Perfect Cover完美剪裁
3. 京都旅行隨身iPhone/iPad App推介

當年今日博文:

1. 2011:  The marshmallow kisses＋CAKE＋好好先生　(新年非禁播)(0)
2. 2011:  INTO NOW: 收視報告的未來(0)

近來YouTube熱傳一段片長1分鐘的防盗攝錄機影片，晝面影著一個走進電器店神色可疑的男子面對攝錄機鏡頭，乍看之下不發現他偷走了什麼，就只見他慢慢退後步出店外的經過，直到影片最後，由店門外的攝錄機揭開真相，原來男子將一部超薄的電視夾在身上，輕鬆的避開每一個店內防盗攝錄器的鏡頭，將電視偷走。

心水清的觀眾應該都感覺到這段名為【smart thief caught on cam】的YouTube作品，其實是一個電子品牌替其電視產品在網路宣傳的Viral Video，各大品牌的電視系列每季推陳出新，要不是鬥畫質就是鬥薄鬥輕，特別是電子品牌，每逢有電子產品推出，宣傳訊息往往離不開: 幾多秒開到網頁，機身幾多cm厚，電量長達幾多小時，都是一場又一場的數字遊戲，有時候認真想想，也不過是要顧客記得你的產品有多快、多薄、多耐電…要讓它成為大眾談論的話題，要不是賣相取勝，又或是引入革命式功能，就只好為它製造一個令人樂意分享的故事吧，像這次電子品牌利用一段懸疑有趣的影片，用一分鐘時間，既帶出觀眾的期待，同時也清楚呈示出其電視產品輕便超薄的機身。

或者你問，每家公司的電視產品都提機身超薄，誰又知道這段影片男子帶走的是哪家品牌的電視？創作人當然不會走漏落Hints的一環，所謂真的假不了／假的真不了，在影片畫面當中，你總會發現一點端倪，看看你眼界如何？ 

(同文見於jiujik 20-01-2012)

延伸閱讀:

1. Think insights with Google: 網路101
2. Facebook，與上司的最後防線?
3. 社交網路，票房靈藥？

當年今日博文:

1. 2010:  十二生肖排名賽(2010版)(0)

雖然不知道瘋迷電玩跟平日有健身習慣的會不會是兩幫人，不過最近就有幾位熱衷健身、電玩的程式工程師合謀開創了一個名為BIT GYM的計劃，為健身房中悶人的單車機運動帶來新奇有趣的體驗。

由Alex Gourley、Clint Stevenson等人為首創辦的BIT GYM，主力投入一系列的iPad/Iphone App遊戲設計，透過利用iPad/iPhone前方照相機鏡頭拍攝用家的頭部動作，以及單車機運動造成的震動幅度，讓玩家可以邊做運動邊玩遊戲。例如經典賽車遊戲【Fit Freeway】，玩家可以移動頭部向左或右控制車的方向，喜歡歷險的朋友，可能跟我一樣比較喜歡另一個名為【Virtual Active】的模擬風景體驗，App內包括10多個不同Landscape的路段，適合長達10-60分鐘的鍛鍊，讓你一邊腳踏單車，一邊「沿途」看風景，你更可以同時控制音樂，無需配合特別收費的軟硬件，一起颷風去。

連結:
http://www.bitgym.com/games/virtual-active

(同文見於jiujik 20-01-2012)

延伸閱讀:

1. Running report (2010年1月)
2. 生活就是一場運動 　Nike+ Fuelband全新發佈
3. 十二生肖排名賽(2010版)

當年今日博文:

1. 2010:  十二生肖排名賽(2010版)(0)

2010年11月，Napster首席軟件工程師 Shawn Fanning 及前Facebook行政人員Dave Morin正式創立Path，背後意念大有來頭，據知，從人類學嘅研究數字Dunbar’s Number指出，一個人無法管理超過150個朋友嘅社交圈子，Dave Morin強調要建立一個更可信、緊密且有質量嘅個人網絡，Path以Dunbar’s Number作為根本，預估出一個人喺最親密嘅關係圈子會有5個密友，15個經常會見面，相互認識又信任對方大約係呢個數字嘅三倍，從而得出50個朋友為限嘅個人網路。 Dave Morin又認為，Path唔會係一個好似Facebook/Twitter一樣以個人宣傳、發佈消息嘅平台，而係真正認識你本人之間嘅朋友交流，透過一張私照分享，就只有熟識你嘅朋友先會了解你私照背後的心事。

所以，最初Path網站開通之時，亦推出對應iPhone程式，讓每一個用戶可以跟50個朋友分享私照，另一個特別之處係，每次你分享一張相，有邊個朋友睇過都會顯示喺相側邊註解， 換言之，要知道邊個朋友有留意過你邊個秘密，大家都一清二楚。（呢個亦假設咗你同朋友已經親密到佢唔介意被你知道）。

記得去年年初試玩過，覺得介面都相當好用，不過只能夠Share相始終係一個局限，最後就好似好多試玩過嘅App一樣被放棄。

估唔到，一年之後，Path再一次重生。

首先， 新版將朋友圈內可分享近況嘅朋友上限提高至150人。另外仲增設Android版，根據大部份用家都透過手機登錄Path ，原來嘅網頁版已經停止運作。

打開新版Path手機 App，介面好快可以上手，畫面就好似Facebook timeline倒數住你同朋友發佈過嘅近況，無論睇相、留comment都比好多社交網路簡單流暢， 新版app影相功能更加入filter 效果，效果拍得住instagram，玩厭仲有marketplace販售更多filters。

分享私相之外，仲可以俾你同密友分享更多個人近況，例如check in打卡功能，Path已經連接好多唔同種類嘅餐廳、場所種類，唔似其他好多Location services 需要大家做「開荒牛」填寫地方介紹，個人認為，Path嘅打卡系統甚至要比Facebook 方便。

如果你已經厭倦Facebook好忙咁Check 唔太熟嘅朋友更新、廣告訊息，又或者你其實只係想同親密嘅朋友Social，又唔太會玩Facebook game，亦唔會對邊個品牌喺Facebook搞嘅宣傳活動有興趣，Path可能就啱哂你喇！（不過同好多「跳船」行動一樣，要叫足夠嘅Friend轉玩，閣下少啲號召力都唔得！）

連結:
https://path.com/

深交朋友無秘密，每一段更新訊息俾邊個朋友睇過，Path都會顯示。

Path亦有一啲人性化設計，例如你就連瞓覺都可以發佈，當你啟動睡眠狀態， Path會發一條Update提醒朋友，並停止接收朋友更新嘅提示訊息，當第二朝起身㩒個wake up button，Path 會自動發佈一條訊息，話你知你當晚睡眠所需嘅時間、身處地方嘅氣温！

唔係Instagram，Path嘅Camera filter都相當好用，而且仲可以俾錢買更多加強版Filter。

Facebook Close Friend設定　提升關注「密切度」

有玩開Facebook嘅朋友或者都有留意最近Facebook加入Close Friends功能，無他，由一面之緣到深交嘅朋友一路加落去，要消化Facebook Wall上嘅朋友近況應該已經花時間喇，所以Facebook背後有計算平時跟你互動得最多嘅朋友，佢哋嘅消息將會優先放喺你嘅Wall之外，亦因為咁，有啲平時少用Facebook但係同你好Friend嘅朋友可能就會較少機會喺你嘅Wall上出現，而Close friends就係令你可以人手將較親密朋友嘅訊息優先處理，除咗一定會安排置於Wall上，亦會以notification通知。

 (同文見於jiujik 13-01-2012)

延伸閱讀:

1. Path: 上限50個朋友的社交網路
2. 離奇星巴克贈飲事件
3. Facebook Cover Designer: Perfect Cover完美剪裁

新一年想揾啲嘢學？成日玩手機嘅你有無偶然諗過自己親手寫個手機App，咪以為學電腦程式係一件好困難嘅事，其實你只要有一部電腦，一部PC/MAC就可以學，特別係宜家越來越多Web平台運作嘅教學網站，只要打開一個browser就可以，連軟件都唔使買，Codecademy係一個提倡自學電腦程式嘅網站，站上免費提供由淺入深嘅互動實習，最近佢哋啟動Code Year計劃，歡迎電腦程式新手參加，只要用電郵地址登錄，佢哋就會每星期寄一堂lesson，等你由程式新手變成識得寫App/Website嘅能人！

連結:
http://codeyear.com/

(同文見於 jiujik 06-01-2012)

延伸閱讀:

1. unroll.me 電郵訂閱一筆清
2. QuietWrite 網上寫作的安全地帶
3. Google Art Project: 用Street View鑑賞High res世界名畫

當年今日博文:

1. 2011:  QuietWrite: 秒速雲端筆記／打blog器(0)

連結

左: 介面就好似一本Passport，方便用家將每次旅行相放入App相簿內。

右: 分享旅行短片，你可能需要購買具備剪接功能嘅影片製作軟件，航空公司就睇準旅客呢個需要，推出一個自動製作旅行短片嘅手機App，也自然利用到Facebook分享嘅宣傳作用。

(同文見於 jiujik 06-01-2012)

延伸閱讀:

1. The Time Killer 機場常客 Delay專用
2. 離奇星巴克贈飲事件
3. unroll.me 電郵訂閱一筆清

當年今日博文:

1. 2011:  Mappiness 直觀快樂器(0)
2. 2010:  一一三事變(0)

新年新開始，又係時候整頓一下網路上嘅瑣碎事務，用phone camera將收過嘅卡片E化，清理一下繁雜嘅Contact List，去Facebook Unfriend一啲其實無兩句嘅「朋友」，去Google Reader清理已經停止出Post嘅Blog網址，最麻煩可能要數一大堆喺網上商店、網路服務、網誌順手訂閱嘅宣傳通訊，平時你可能會等收到郵件嘅時候，喺每封郵件尾段「如要取消繼續收取我們的通訊…」取消訂閱，最近，有個新方法可以將電郵訂閱「一筆清」，免卻逐一退出訂閱嘅繁複動作。

只要用你嘅電郵地址登入Unroll.me，網站將會從你收過嘅郵件當中揾出所有訂閱通訊，並自動列舉出一版清單，等你可以自行選擇需要取消訂閱嘅通訊，揀好Click個掣，一切就交由佢哋處理。服務暫時以試用形式運作，值得一試!

連結:
https://beta.unroll.me

(同文見於 jiujik 06-01-2012)

延伸閱讀:

1. 衝浪族與集郵迷
2. Postcardly 限時免費服務　電郵變明信片
3. The Email Game: 查郵殺著

當年今日博文:

1. 2011:  Mappiness 直觀快樂器(0)
2. 2010:  一一三事變(0)