自從Facebook逐步將個人頁面轉換成Timeline設計之後，就出現很多充滿創意的「封面設計」，特別是配合Cover Photo跟Profile Pic的趣味碰撞就夠五花八門，不熟悉Photoshop之類的執相工具的話，又有什麽方法為你的Facebook封面改頭換面呢？

 Facebook Cover Designer就自動你簡單輕鬆地用一張照片剪裁成Facebook Timeline介面的Cover+Profile照片，Pro版更加附有Filter效果，只要拍照時留意構圖就可以製作出特別的封面效果!

下載網址

http://itunes.apple.com/us/app/facebook-cover-designer/id482872625?mt=8

(同文見於jiujik 27-01-2012)

詳讀全文

成班人一齊影相，影幾次都有人投訴拍得自己不在狀態／唔夠靚，呢個iPhone影相App大派用場喇，只要啟動App內置的相機function，在同一個視點拍三張相，揀出你覺得比較好的一張，然後在螢幕上劃出相中需要修改的範圍，然後它就可以自動換入另一張背景脗合的相片內容。要是新年拍張大合照有人眨眼、擰轉頭，Groupshot就大派用場啦！

另一個巧妙的用法，同一場景同一個人在不同位置拍，製作孖人相。

連結: (iPhone專用，美金0.99)
http://www.groupshot.com/

 (同文見於jiujik 27-01-2012)

詳讀全文

近來YouTube熱傳一段片長1分鐘的防盗攝錄機影片，晝面影著一個走進電器店神色可疑的男子面對攝錄機鏡頭，乍看之下不發現他偷走了什麼，就只見他慢慢退後步出店外的經過，直到影片最後，由店門外的攝錄機揭開真相，原來男子將一部超薄的電視夾在身上，輕鬆的避開每一個店內防盗攝錄器的鏡頭，將電視偷走。

心水清的觀眾應該都感覺到這段名為【smart thief caught on cam】的YouTube作品，其實是一個電子品牌替其電視產品在網路宣傳的Viral Video，各大品牌的電視系列每季推陳出新，要不是鬥畫質就是鬥薄鬥輕，特別是電子品牌，每逢有電子產品推出，宣傳訊息往往離不開: 幾多秒開到網頁，機身幾多cm厚，電量長達幾多小時，都是一場又一場的數字遊戲，有時候認真想想，也不過是要顧客記得你的產品有多快、多薄、多耐電…要讓它成為大眾談論的話題，要不是賣相取勝，又或是引入革命式功能，就只好為它製造一個令人樂意分享的故事吧，像這次電子品牌利用一段懸疑有趣的影片，用一分鐘時間，既帶出觀眾的期待，同時也清楚呈示出其電視產品輕便超薄的機身。

或者你問，每家公司的電視產品都提機身超薄，誰又知道這段影片男子帶走的是哪家品牌的電視？創作人當然不會走漏落Hints的一環，所謂真的假不了／假的真不了，在影片畫面當中，你總會發現一點端倪，看看你眼界如何？ 

(同文見於jiujik 20-01-2012)

詳讀全文

雖然不知道瘋迷電玩跟平日有健身習慣的會不會是兩幫人，不過最近就有幾位熱衷健身、電玩的程式工程師合謀開創了一個名為BIT GYM的計劃，為健身房中悶人的單車機運動帶來新奇有趣的體驗。

由Alex Gourley、Clint Stevenson等人為首創辦的BIT GYM，主力投入一系列的iPad/Iphone App遊戲設計，透過利用iPad/iPhone前方照相機鏡頭拍攝用家的頭部動作，以及單車機運動造成的震動幅度，讓玩家可以邊做運動邊玩遊戲。例如經典賽車遊戲【Fit Freeway】，玩家可以移動頭部向左或右控制車的方向，喜歡歷險的朋友，可能跟我一樣比較喜歡另一個名為【Virtual Active】的模擬風景體驗，App內包括10多個不同Landscape的路段，適合長達10-60分鐘的鍛鍊，讓你一邊腳踏單車，一邊「沿途」看風景，你更可以同時控制音樂，無需配合特別收費的軟硬件，一起颷風去。

連結:
http://www.bitgym.com/games/virtual-active

(同文見於jiujik 20-01-2012)

詳讀全文

Make it Count，生活上有什麽該被計算運動之內，什麼又不算數呢？就來看看今次Nike這支陣容強勁的廣告片! 

2012，有太多想像，也有太多事值得期待。這會不會是你在2012年第一件令人驚喜的發明？ 

剛剛Nike就在紐約為這項革新科技舉行全球發佈會，一只名為Nike+ FuelBand的腕帶可以記錄和測量日常生活中的運動量，激勵大家在生活當中實踐「運動能」- NikeFuel也成為一個全新的能量單位，戴上腕帶在生活中做各種活動都可被記錄，你越好動，你所獲得的NikeFuel就越多。

內置加速器　感應各項活動的手腕動作
Nike+ FuelBand的原理是怎樣？它內置的加速器，可以感應手腕的動作傳導不同的活動資訊，並展示在LED點陣顯示幕上。NIKE+ FuelBand可測量四種資料：時間、卡路里、步數和NikeFuel。NikeFuel提供標準化的計量單位，即不論身體構造有何不同，相同的活動總是會獲得相同的分數。

自設個人目標　讓生活帶動運動
使用者更可為自己設定每日目標，如希望達成多少NikeFuel。NIKE+ FuelBand將通過20個LED燈來進行記錄，隨著使用者接近目標，顯示燈也會從紅到綠。FuelBand內置的USB可以跟Nike+網站同步，或通過藍牙與免費的iPhone App同步，你可以跟蹤每一天的活動和進展。一旦目標達成，App介面會顯示特別內容給予鼓勵。

「通過NIKE+ FuelBand，Nike 增加了現實與數碼世界交互的可能性，這十分令人激動。」Parker公司董事長兼執行總裁表示：「Nike一直致力於激勵運動員創造更好表現，而NIKE+ FuelBand則提供了一種簡單、有趣並且具直覺性的方法。」

Nike+ Fuelband將於1月19日開始在美國Nikestore.com預售，零售價將為149美元。

Nike+ Fuelband可以顯示時間、訊息，當然更會顯示出你當日的NikeFuel，以及你跟當日自訂的目標距離幾遠。更可以以藍芽方式跟你的iPhone/Ipod Touch 4「搭上」。

主題網站正式同步推出，站上有更多影片介紹Nike+ Fuelband運作和功能。除此之外，Nike今年將會有各式各樣的形式推廣Make it Count活動，鎖定關注／自發性hashtag #makeitcount，陸續有來！

網站:
http://www.nike.com/fuelband

詳讀全文

大家都話，社交網路越來越多，一時又玩微博，一時Facebook，仲未計令人好鍾意用手機影相嘅instagram，咁多嘢玩，就算聽到新嘢都話要揀過先試，再可能Hit得起嘅社交網越來越少，如果無乜新綽頭，換湯不換藥，就好難叫人「跳船」試玩，咁啱，最近好多朋友加入咗一個名為path嘅社交網路，呢個由去年年初問世嘅玩意，到上個月改版重新受到注目，究竟有乜特別呢？ 

2010年11月，Napster首席軟件工程師 Shawn Fanning 及前Facebook行政人員Dave Morin正式創立Path，背後意念大有來頭，據知，從人類學嘅研究數字Dunbar’s Number指出，一個人無法管理超過150個朋友嘅社交圈子，Dave Morin強調要建立一個更可信、緊密且有質量嘅個人網絡，Path以Dunbar’s Number作為根本，預估出一個人喺最親密嘅關係圈子會有5個密友，15個經常會見面，相互認識又信任對方大約係呢個數字嘅三倍，從而得出50個朋友為限嘅個人網路。 Dave Morin又認為，Path唔會係一個好似Facebook/Twitter一樣以個人宣傳、發佈消息嘅平台，而係真正認識你本人之間嘅朋友交流，透過一張私照分享，就只有熟識你嘅朋友先會了解你私照背後的心事。

所以，最初Path網站開通之時，亦推出對應iPhone程式，讓每一個用戶可以跟50個朋友分享私照，另一個特別之處係，每次你分享一張相，有邊個朋友睇過都會顯示喺相側邊註解， 換言之，要知道邊個朋友有留意過你邊個秘密，大家都一清二楚。（呢個亦假設咗你同朋友已經親密到佢唔介意被你知道）。

記得去年年初試玩過，覺得介面都相當好用，不過只能夠Share相始終係一個局限，最後就好似好多試玩過嘅App一樣被放棄。

估唔到，一年之後，Path再一次重生。

首先， 新版將朋友圈內可分享近況嘅朋友上限提高至150人。另外仲增設Android版，根據大部份用家都透過手機登錄Path ，原來嘅網頁版已經停止運作。

打開新版Path手機 App，介面好快可以上手，畫面就好似Facebook timeline倒數住你同朋友發佈過嘅近況，無論睇相、留comment都比好多社交網路簡單流暢， 新版app影相功能更加入filter 效果，效果拍得住instagram，玩厭仲有marketplace販售更多filters。

分享私相之外，仲可以俾你同密友分享更多個人近況，例如check in打卡功能，Path已經連接好多唔同種類嘅餐廳、場所種類，唔似其他好多Location services 需要大家做「開荒牛」填寫地方介紹，個人認為，Path嘅打卡系統甚至要比Facebook 方便。

如果你已經厭倦Facebook好忙咁Check 唔太熟嘅朋友更新、廣告訊息，又或者你其實只係想同親密嘅朋友Social，又唔太會玩Facebook game，亦唔會對邊個品牌喺Facebook搞嘅宣傳活動有興趣，Path可能就啱哂你喇！（不過同好多「跳船」行動一樣，要叫足夠嘅Friend轉玩，閣下少啲號召力都唔得！）

連結:
https://path.com/

深交朋友無秘密，每一段更新訊息俾邊個朋友睇過，Path都會顯示。

Path亦有一啲人性化設計，例如你就連瞓覺都可以發佈，當你啟動睡眠狀態， Path會發一條Update提醒朋友，並停止接收朋友更新嘅提示訊息，當第二朝起身㩒個wake up button，Path 會自動發佈一條訊息，話你知你當晚睡眠所需嘅時間、身處地方嘅氣温！

唔係Instagram，Path嘅Camera filter都相當好用，而且仲可以俾錢買更多加強版Filter。

Facebook Close Friend設定　提升關注「密切度」

有玩開Facebook嘅朋友或者都有留意最近Facebook加入Close Friends功能，無他，由一面之緣到深交嘅朋友一路加落去，要消化Facebook Wall上嘅朋友近況應該已經花時間喇，所以Facebook背後有計算平時跟你互動得最多嘅朋友，佢哋嘅消息將會優先放喺你嘅Wall之外，亦因為咁，有啲平時少用Facebook但係同你好Friend嘅朋友可能就會較少機會喺你嘅Wall上出現，而Close friends就係令你可以人手將較親密朋友嘅訊息優先處理，除咗一定會安排置於Wall上，亦會以notification通知。

 (同文見於jiujik 13-01-2012)

詳讀全文

新一年想揾啲嘢學？成日玩手機嘅你有無偶然諗過自己親手寫個手機App，咪以為學電腦程式係一件好困難嘅事，其實你只要有一部電腦，一部PC/MAC就可以學，特別係宜家越來越多Web平台運作嘅教學網站，只要打開一個browser就可以，連軟件都唔使買，Codecademy係一個提倡自學電腦程式嘅網站，站上免費提供由淺入深嘅互動實習，最近佢哋啟動Code Year計劃，歡迎電腦程式新手參加，只要用電郵地址登錄，佢哋就會每星期寄一堂lesson，等你由程式新手變成識得寫App/Website嘅能人！

連結:
http://codeyear.com/

(同文見於 jiujik 06-01-2012)

詳讀全文

手機早已經取代Snapshot型相機，成為大家隨手影相嘅電子用品，特別係去完旅行，影一大批相就可以即刻send email俾朋友，或者放到Facebook分享，點都比起用SD Card左傳右傳咁唔方便，荷蘭皇室航空公司(KLM)就更加行前一步，睇準大家有大多旅行相唔知揀邊張分享好，於是推出一個名為【KLM Passport】免費手機App，等你可以將旅行拍低嘅手機相放入呢個電子Passport，仲可以揀選唔同主題，再轉export成一段由相片砌成短片，放到Facebook同朋友分享。

連結

左: 介面就好似一本Passport，方便用家將每次旅行相放入App相簿內。

右: 分享旅行短片，你可能需要購買具備剪接功能嘅影片製作軟件，航空公司就睇準旅客呢個需要，推出一個自動製作旅行短片嘅手機App，也自然利用到Facebook分享嘅宣傳作用。

(同文見於 jiujik 06-01-2012)

詳讀全文

新年新開始，又係時候整頓一下網路上嘅瑣碎事務，用phone camera將收過嘅卡片E化，清理一下繁雜嘅Contact List，去Facebook Unfriend一啲其實無兩句嘅「朋友」，去Google Reader清理已經停止出Post嘅Blog網址，最麻煩可能要數一大堆喺網上商店、網路服務、網誌順手訂閱嘅宣傳通訊，平時你可能會等收到郵件嘅時候，喺每封郵件尾段「如要取消繼續收取我們的通訊…」取消訂閱，最近，有個新方法可以將電郵訂閱「一筆清」，免卻逐一退出訂閱嘅繁複動作。

只要用你嘅電郵地址登入Unroll.me，網站將會從你收過嘅郵件當中揾出所有訂閱通訊，並自動列舉出一版清單，等你可以自行選擇需要取消訂閱嘅通訊，揀好Click個掣，一切就交由佢哋處理。服務暫時以試用形式運作，值得一試!

連結:
https://beta.unroll.me

(同文見於 jiujik 06-01-2012)

詳讀全文

iPhone係相機定手機都唔再重要，Instagram已經成為iPhone的賣點，一大批「類Instagram」iPhone Camera App應運而生，不同的味精Filter各有市場，可是大家都離不開Instagram，畢竟要分身登入不同的App影相，其實都不太方便，作為Social photography的始作俑者，已經有一批手機攝影專業級玩家支持，Instagram用戶自然長影長有。

我甚至認為，Apple應該將預設相機程式加入「Instagram連接功能」，連開App的步驟也可以省卻，方便大家。

Instagram的成功，還造就了介面相似的App+Web社群出現，例如跟朋友分享自己心水音樂的Soundtracking，還有這篇要介紹的Viddy，基本上就是結合App+Web的拍片服務，模式和介面跟Instagram相似，用家只要開設Viddy戶口，即可直接用App拍片，當然可以像Instagram一樣加入Filter濾鏡(選擇還很多!) ，除了現場收音拍攝之外，亦可以換上濾鏡主題附設的背景音樂，剪輯完成後，就可以放到Viddy個人版面跟朋友分享。

當然Viddy本身也是一個社群，你可能對拍片完全無興趣，純粹像Instagram/Twitter的Follow關注制度，只是欣賞朋友、明星或者拍片大師的短片，Viddy才推出半個月，未必找到朋友已經在玩，等吓啦，我估應該好快有大師要參一腿到Viddy!

Viddy iPhone App Store下載 (免費)
http://itunes.apple.com/us/app/viddy/id426294709?mt=8

我的Viddy Take 1! 味精Filter幾好用! (從App上得知還有更多Filter會以In-App Purchase形式販售)

裝好App之後，建議可以到Popular/Trending的Tab內發掘一下，本地的明星們都已經開始「發功」（又是何韻詩啦.徐濠縈小姐,官恩娜啦.周國賢la)。期待更多來自世界不同地方的拍片高手！

跟Instagram不同的是，用戶可以登入Viddy網站觀看朋友的影片，亦可以整理自家影片的介紹文字、留言。

詳讀全文