夏天只有一個關鍵詞
狂熱

六四七一走出來不是為了拉誰下台，追求民主，最終就是追求一個政通人和的制度，讓社會公義得以伸張。
早兩天看早幾期的飲食男女，黎堅惠一篇【不少，但也不夠】說八九年她和大學同學們投入聲援北京學運的狂熱，才感受到參加遊行根本不是什麽激進的事情，當然，很多人依然會認為遊行就是搞事。
也得承認，生活的確是磨人的，所以我們的時事節目也要搞娛樂，有嬉笑無怒罵，新聞的點也抓不住，只顧著找芝蔴綠豆的枝節開玩笑。（無錯，我係講所謂年青人電台的《在晴朗的一天出發》，除了那些聲音專欄有比較特別的評論，其他討論都不過得啖笑，志在畀大家知道今日有乜頭條二條，係咁多）

******

夏天只有一個關鍵詞
狂熱

係咪寒命人會比較鍾意夏天，唔知，不過真係因為夏天，個腦諗到好多嘢想做，除咗投入運動之外，網站也打定要好好重整，好多嘢要再學再試，好似上暑期班一樣。

詳讀全文

今季男裝大吹Amercian style, Navy/college服之外, 仲提到resort style, 其實換個角度係無時無刻掛住度假旅行, 唔單止個心掛咁簡單, 仲要著上身。不過又諗真，好似花衫短衭頂多都係精神治療(即係罐裝紅牛), 越飲發覺越想飲, 越著越想真係想resort hea吓。

所以著埋咁多Resort 服倒不如真係去下有陽光海灘嘅地方啦！

每天坐沙發望住個大海聽住浪聲食早餐，呢啲先叫「在晴朗的一天出發」嘛!

二十座樓房分上下層一共40房間，中間是「運河式泳池」，下層房間有落地玻璃推開就是可以直接下水的小露台。

上層房間則有旋轉樓梯直往私人天台看日出日落，或者夜晚曬月光。

浴室設計充分利用自然光。

(泰國旅記2009之三）
泰國旅記連載
旅記1 - 曼谷．真夏
旅記2 - 凱旋廣場．旅行歌單

相關連結
Let’s sea resort
http://www.letussea.com/
flickr相集
http://www.flickr.com/photos/raychan/sets/72157618530236426/

詳讀全文

近幾年都有參加六四燭光晚會，沒有一年像今年，數以十萬計香港人齊集一個維園，便利商店堆滿人在搶買水，快餐店也擠滿人買外賣帶走，天后站每分每秒流出人龍（銅鑼灣站也一樣吧！），大家都帶著信念，紀念六四，爭取民主中國，向國家領導人和香港變臉的奴才嗆聲。

這夜，天氣報告本來說有雨的，也許是大家的念力所動，雖然熱了點，雨卻一直沒有下過。

盟友們，我們七．一見！

詳讀全文

念　一九八九年六月四日

同時
只有平反六四
讓人民看清真相
讓流亡者和蒙屈的政治犯回家
讓母親們可以公開悼念兒子
真理得以伸張

勝過一切經濟／基建／太空成就
取悅民心
並樹立正義的最佳榜樣
讓中國人為國家未來報以期待　引以自豪

詳讀全文

由曼谷到華欣，可以選擇在香港包私家車，知窿路都可以坐當地陸路交通過境，包架的士 ~1700 batts (400多港幣，最多都可以坐到三個人嘅)，坐火車(百幾batts，但係兜路會耐咗，又多人逼，有個錢去旅行就無謂受難)，仲可以選擇坐穿梭兩地民用Van仔，成架車計埋司機位坐到10個人，200 batts 等齊人開車嗰種，有遊客亦有往返兩地泰人，如果多行李就未必夠位畀你上。

如果唔係留一晚喺曼谷市中心，最好當然係預先泰國機場租車直到華欣，無謂左駁右駁，因為曼谷到華欣之間都有近三個鐘車程，唔慣長途車的話，應該會後悔慳埋啲咁嘅錢仲乜。

無錯，我係講我啊。

在較大的地圖上查看Bangkok-huahin 2009

坐Van到華欣方法，市中心坐BTS到Victory Monument，在Victory Plaza地下門外7-11便商附近就有小小空地泊咗唔同長途Van仔路線，用半咸半淡泰式英文叫「華軒」，阿叔就會畫著車票指示你去邊架車，成件事就係咁簡單。

離開曼谷，向resort出發，看途上的日光，終於…似番去陽光世界度假。
有ipod touch聽住歌，三粒鐘可以好快就咁過。

詳讀全文

一直唔寫唔寫，其實係因為大部份打blog時間都用在msn/jaiku跟同道人談六四這件事。再講，網上實在太多有心人寫／轉貼很多好文，忙著讀都嚟唔切，更未得閒坐低發篇文表態。

表態好重要，特別今時今日，相距八九有二十年，可能你同我一樣當時都仲係啱啱讀書，啱啱懂事，有一晚咁啱睇明珠台西片睇過半夜，突然畫面一轉電視新聞片直播，話你知北京政府開始「做嘢」。去北京的朋友尋晚仲問我點將ipod touch wifi上網，點知聽講今日全國互聯網封閘, 咪話土豆幾多免費戲睇淘寶一日幾多人做買賣，「大時大節」，真係隨時web1.0都不如。

真想對那班以為社會好開放嘅無用書生／青年網絡敗類講，你哋以為自己唔討伐霸權就好理性好有獨立思維咩？你哋以為今日社會真係開放到可以如你哋所講：大家兩邊坐低慢慢用證據探討一下六四發生乜事（咁煩）？

係咁真係要用香港君子雜誌自閹總編一句話回應你哋：
談六四？這可是煽動社會啊！

當年就係因為中共將反貪敗官僚運動定性為反社會／反黨先大開殺戒。今日中國，沒有比八九年好，說社會進步，不如說是大家把煉鋼的力量用在GDA上，我們的文明，仲係太多缺撼，以前係由上而下嘅霸權，而家全民掘金，全民環遊世界，全民買名牌，全民政事沉默，上下一心抗亂。

「平反六四」其實係一個只有是／非嘅議題，不如直接說「軍警殺人有理，學生抵死」，別再玩弄語言，經濟咁好都係因為社會穩定，或者背向祖國有著數呢啲縮骨功利主義。所以立法會今日變成垃圾會，唔係因為有邊啲人搞事，而係有三份二人真係飾演政治廢物, 聲控舉手的奴才。

今日的我, 打倒昨日的我。隨波逐流的人，對社會可以有什麽未來觀呢？這勉強都算另一種CHANGE精神！

原來，正義係咁唔值錢。
當然，正義，如同無私的愛，總要擇善固執。
多慶幸那一天，啱啱懂事。

詳讀全文

過去兩個月，身邊朋友唔係去墾丁就去泰國，逃離古怪天氣香港，預支一個又一個真夏假期。

四月中，餓足半年無離開香港終於有望去個海天一色resort trip，點知好嘅唔靈醜嘅靈，黃衫軍搞民運，遲遲未知起飛當日解禁未，事前一個禮拜倒數「去得」「唔去得」「去得」「唔去得」，聽講，時裝界詞人wyman去唔到曼谷轉plan北上東京，我無銀両睇水尾櫻花，原定行程一改改到五月天出發。

本來resort trip就無乜需要計劃行程可言，hea先係重點嘛，不過因為改期關係，四日三夜華欣之行，追加多晚曼谷，令原本攤凍咗嘅行程帶嚟少少期待。

去曼谷，除左食好啲，住好啲，massage，行mall之外其實無乜好做，特別係每次去曼谷總係唔生性落雨，空氣又唔見特別好，應該要有心理準備: 享受陽光只係bonus。於是決定趁隨後四日到天堂快活，慳埋曼谷果筆，住間交通方便酒店就好。

短短二十幾個鐘，喺曼谷遊花園，都去咗幾多地方，係欠咗一餐好食嘅泰國菜。（都係因為揼骨勁舒服，揼完勁眼瞓，盲中中去酒吧區食飯，成件事，簡單嚟講，錯哂!）

(旅記聽日繼續啦，好多日無寫blog，今次真係番嚟喇！）

詳讀全文