一個海港只得一個海港城嘅話，都幾灰。
離開resort走入市中心，就連一個城嘅感覺得無，除咗食同按摩，真係咪指望出面有乜好行，華欣唔似蘇梅島有 moon party，店舖都唔多，好唔容易去到唯一一個大商場都係得家樂福類超市同連鎖咖啡店，要行市中心，三個鐘都好足夠。

講係咁講，我都係重覆係市中心浮咗三日。原本打算找local tour agent join團去桂河橋（都係因為老西片先成為外國流浪人問津嘅地方），點知華欣要去桂河橋一個單程都坐三個鐘火車，跟tour的話要六點鐘出發晏晝五點返。退而求其次，join比較熱門嘅National park，聽講都要坐獨木舟去嘅，時間係九點出發三點返。

一切聽落都唔錯...好可惜，無人開檔，去唔成。

「下次啦，反正住resort短短幾日，應該好好享受下先係。」

「如果有下次的話。」

結果幾日喺市中心，最巴閉係去咗旅行書介紹所謂「最美麗的火車站」(都恨無計劃，如果唔係都唔會臨急問朋友借旅遊書)

到市中心第一件事是找tourist center，就係佢哋話畀我哋知桂河橋有幾遠。
其實本來我哋都有個機會join local tour，就係因為佢地介紹咗一間agent畀我哋，只係我哋唔甘心，點解會介紹間全市最貴嘅，或者我哋真係太知慳識儉，就係唔鍾意蝕底，結果行咗兩日都只係見到門外嘅價目表。

真係唔可以亂跟一本旅行書，特別係寫得差嘅旅行書，地圖都唔清唔楚，只係揾火車站，一望無際只係見到路軌!!

路過有好多華欣人，問路都係無從入手。「我哋只係識泰文㗎！」

大汗疊細汗先行完路軌有市集，似乎近喇，仲見到髮型屋。

最美麗的華欣火車站啊，見到呢啲求鬼其又「老實到唔識包裝」嘅介紹，真係令我諗番「一個海港得一個海港城」其實唔係咁差。

所以話，買旅行書都係買本用字生鬼嘅好，未出發先興奮﹣其實幾重要㗎！！

(泰國旅記2009之四）

泰國旅記連載
旅記1 - 曼谷．真夏
旅記2 - 凱旋廣場．旅行歌單
旅記3 - 09 S/S resort style

延伸閱讀:

1. 09 S/S resort style
2. 曼谷，慢一小時 (補圖)
3. 曼谷．真夏
4. 凱旋廣場．旅行歌單
5. 海邊的日子
6. 後記 (華欣旅記最終回)
7. 魔術貼還是iPad的功勞?
8. 安原一式的漫遊式攝影

當年今日博文:

1. 2010:  DAILY BRAINSTORM(0)

1. レデイオヘツド会社手記 » 海邊的日子
   November 5th, 2009 at 7:27 pm

   [...] - 曼谷．真夏 旅記2 - 凱旋廣場．旅行歌單 旅記3 - 09 S/S resort style 旅記4 - 帶一本旅行書去華欣 related posts:後記 (華欣旅記最終回)帶一本旅行書去華欣09 S/S resort [...]