夏天只有一個關鍵詞
狂熱
六四七一走出來不是為了拉誰下台，追求民主，最終就是追求一個政通人和的制度，讓社會公義得以伸張。
早兩天看早幾期的飲食男女，黎堅惠一篇【不少，但也不夠】說八九年她和大學同學們投入聲援北京學運的狂熱，才感受到參加遊行根本不是什麽激進的事情，當然，很多人依然會認為遊行就是搞事。
也得承認，生活的確是磨人的，所以我們的時事節目也要搞娛樂，有嬉笑無怒罵，新聞的點也抓不住，只顧著找芝蔴綠豆的枝節開玩笑。（無錯，我係講所謂年青人電台的《在晴朗的一天出發》，除了那些聲音專欄有比較特別的評論，其他討論都不過得啖笑，志在畀大家知道今日有乜頭條二條，係咁多）
******
夏天只有一個關鍵詞
狂熱
係咪寒命人會比較鍾意夏天，唔知，不過真係因為夏天，個腦諗到好多嘢想做，除咗投入運動之外，網站也打定要好好重整，好多嘢要再學再試，好似上暑期班一樣。
net back items
05/2009
01
真係好耐無燒嘢食，其實好怕身水身汗黐立立咁燒嘢食。係夏天遲遲未嚟涼浸浸咁開個野火會就最好。
02
四月放假日子享受喺屋企聽吓歌煲吓碟，仲有煮吓嘢食，去一次超市好似打獵咁。
03
旺角好多人，我有兩個地方避靜，其中一個係果間扮法國cafe的餐廳，比茶餐廳貴啲啦，不過如果啱啱係二樓書店買左本書，一邊食嘢一邊睇書消磨番一粒兩粒鐘，都係個幾好嘅節目，完全隔離咗樓下自由行嘅血拼氣氛。
04
仲去咗布袋澳食海鮮，不過唔好諗去嗰度可以有乜郊外風景行同玩，無乜風景，得座天后廟同兩間海鮮檔。朋友嘅朋友特別推介呢個蝦碌炒飯，真係好和味，無得頂。
05
放假也節省一點，就索性喺屋企煮啦，上個月玩通粉，一紅一白煮法，下個月玩意大利飯啦。
墨西哥茄汁雞肉通粉 點煮
白汁薯仔雞肉通 點煮
06
追蹤網站更新，請加入
延伸閱讀:
|
|
|
訂閱留言
站長管理