曼谷．真夏

過去兩個月，身邊朋友唔係去墾丁就去泰國，逃離古怪天氣香港，預支一個又一個真夏假期。

四月中，餓足半年無離開香港終於有望去個海天一色resort trip，點知好嘅唔靈醜嘅靈，黃衫軍搞民運，遲遲未知起飛當日解禁未，事前一個禮拜倒數「去得」「唔去得」「去得」「唔去得」，聽講，時裝界詞人wyman去唔到曼谷轉plan北上東京，我無銀両睇水尾櫻花，原定行程一改改到五月天出發。

本來resort trip就無乜需要計劃行程可言，hea先係重點嘛，不過因為改期關係，四日三夜華欣之行，追加多晚曼谷，令原本攤凍咗嘅行程帶嚟少少期待。

去曼谷，除左食好啲，住好啲，massage，行mall之外其實無乜好做，特別係每次去曼谷總係唔生性落雨，空氣又唔見特別好，應該要有心理準備: 享受陽光只係bonus。於是決定趁隨後四日到天堂快活，慳埋曼谷果筆，住間交通方便酒店就好。

短短二十幾個鐘，喺曼谷遊花園，都去咗幾多地方，係欠咗一餐好食嘅泰國菜。（都係因為揼骨勁舒服，揼完勁眼瞓，盲中中去酒吧區食飯，成件事，簡單嚟講，錯哂!）

(旅記聽日繼續啦，好多日無寫blog，今次真係番嚟喇！）

都係對泰國吃街邊攤有偏見，怕水肚不服之餘更怕找洗手間。

除咗Siam Paragon間紀伊國屋書店識揀書賣之外，另一個值得去嘅mall係Emporium，入面間TCDC（Thailand Creative & Design Center）定期有展覽，今次係關於地道街頭飲食文化的研究。

TCDC 的圖書館kiosk cafe，喝今次旅行的第二杯咖啡。（不記得總共喝過多少杯）

最後一天要轉到華欣，沒有時間到瞿度瞿趁墟，也因為行裝要輕便，變相慳得就慳，行mall都買少好多嘢。

(泰國旅記2009之一）

喜歡本文，可以用以下方式分享: